विद्युत व्यवस्थापनकाे समस्या छिट्टै समाधान हुने प्राधिकरणको भनाइ

वैशाख ११, २०८२ बिहीबार ८:४२:४१ | उज्यालो सहकर्मी

काठमाण्डौ – नेपाल विद्युत् प्राधिकरणले अहिले विद्युत व्यवस्थापन गर्न कठिन भएको र छिटै सुधार हुने बताएको छ ।

प्राधिकरणले सूचना निकालेर गर्मीयाम शुरू भएसँगै भारतमा अत्यधिक बढेको विद्युत मागको कारण नेपालले चाहेजति विद्युत किन्न नपाएको जनाएको छ ।

नेपालको नदीनालामा बहाव छिट्टै बढ्ने एवम् भारतबाट पनि विद्युत आपूर्ति बढ्ने अवस्था रहेकोले अहिले देखिएको समस्या छिट्टै समाधान हुने प्राधिकरणको विश्वास छ ।

प्राधिकरणका अनुसार सुक्खा मौसममा नदीनालाको बहाव कम भएकोले जलाशय र सौर्य उर्जासहित आन्तरिक उत्पादन औसत १ हजार १७५ मेगावाट रहेको छ ।

अहिलेको उच्च माग (पिक लोड) २ हजार ७७ मेगावाट र अहिले अधिकतम उत्पादन १ हजार ५९३ मेगावाट रहेको छ ।

नपुग बिजुली भारतबाट आयात गरेर आपूर्ति गर्ने गरिएको छ । तर गर्मीयाम शुरू भएसँगै भारतमा अत्यधिक बढेको विद्युत मागको कारण नेपालले चाहेजति विद्युत किन्न नपाएको प्राधिकरणले जनाएको छ । भारतमा आईपीएल खेल भइरहेकाले पनि माग बढेको प्राधिकरणको भनाइ छ ।

अहिले विद्युत व्यवस्थापनमा केही कठिनाइ देखिएको र औद्योगिक क्षेत्रमा केही समय आंशिक लोडसेडिङ भइरहे पनि माग र आपूर्तिको व्यवस्थापनमा अधिकतम प्रयास भइरहेको प्राधिकरणको भनाइ छ ।

अन्तिम अपडेट: बैशाख १५, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्