१७ अर्ब ८६ कराेड रुपैयाँभन्दा धेरै अवैध कारोबार, २१ जना पक्राउ

 वैशाख १५, २०८२ सोमबार १७:४७:७ | उज्यालो सहकर्मी
unn.prixa.net

काठमाण्डाै – नेपाल प्रहरीको केन्द्रीय अनुसन्धान ब्युरो (सीआईबी) ले अवैध वित्तीय कारोबारमा संलग्न २१ जनालाई पक्राउ गरेको छ ।

विदेशबाट रेमिट्यान्सबापत प्राप्त हुने रकम आप्रवाहमा अवरोध गरी आन्तरिक रेमिट्यान्सका नाममा अवैध कारोबारमा संलग्न ८ जिल्लाबाट २१ जनालाई पक्राउ गरेको विज्ञप्तिमा उल्लेख छ ।

उनीहरूले भन्सार चोरी पैठारी, सुनको अवैध करोबार, कर छलीबापत प्राप्त गरेको गैरकानूनी रकमलाई डिजिटल वालेट कम्पनीहरूका नाममा नेपालमा रहेका बैंक खाताहरूमा जम्मा गर्नका लागि 'मनी म्युल' अर्थात् पैसा ओसारपसार गर्ने भरियाहरूलाई परिचालन गरेको सीआईबीले जनाएको छ ।

पक्राउ पर्नेहरूमा धनुषा र सप्तरीका ५/५ जना, पर्सा र नवलपरासीका ३/३ जना, मोरङका २ जना तथा महोत्तरी, सर्लाही र चितवनका १/१ जना रहेका छन् । उनीहरूले १७ अर्ब ८६ करोड रुपैयाँभन्दा धेरै अवैध कारोबार गरेको प्रहरीले जनाएको छ ।

अन्तिम अपडेट: बैशाख १५, २०८२

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया